કેન્દ્રિય મંત્રી પરષોત્તમભાઇ રૂપાલાએ મિશન ૮૪ પ્રોજેકટના ઓનલાઇન ઇન્ટરનેશનલ પોર્ટલનું લોન્ચીંગ કર્યું

October 23, 2023

સુરત. ર૧મી ઓકટોબરે ધી સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીના ૮૪મા સ્થાપના દિવસે નવા વિચારો, નવી દિશા અને નવું પ્રયાણના ભાગ રૂપે SGCCI ગ્લોબલ કનેકટ મિશન ૮૪ પ્રોજેકટ અંતર્ગત શનિવાર, તા. ર૧ ઓકટોબર, ર૦ર૩ના રોજ સાંજે ૪:૩૦ કલાકે પ્લેટિનમ હોલ, સરસાણા, સુરત ખાતે ભારતના મત્સ્યોદ્યોગ, પશુપાલન અને ડેરી ઉદ્યોગના કેન્દ્રિય મંત્રી પરષોત્તમ રૂપાલા સાથે ઇન્ટરેકટીવ સેશન યોજાયું હતું. જેમાં મત્સ્યોદ્યોગ, પશુપાલન અને ડેરી ઉદ્યોગ તથા અન્ય ઉદ્યોગની સાથે સંકળાયેલા ઉદ્યોગકારોએ રૂપિયા ર૧૯૬ કરોડનો એક્ષ્પોર્ટ કરવાનો સ્વયંભૂ સંકલ્પ લીધો હતો.

ચેમ્બર ઓફ કોમર્સના પ્રમુખ રમેશ વઘાસિયાએ SGCCI ગ્લોબલ કનેકટ મિશન ૮૪ પ્રોજેકટ અંતર્ગત વિસ્તૃત પ્રેઝન્ટેશન રજૂ કર્યું હતું. તેમણે કેન્દ્રિય મંત્રી પરષોત્તમભાઇ રૂપાલાને સન્માન પત્ર આપી તેમનું સન્માન કર્યું હતું. કેન્દ્રિય મંત્રીની હાજરીમાં ચેમ્બર ઓફ કોમર્સના ૮૪મા સ્થાપના દિવસે કેક કાપી ભૂતપૂર્વ પ્રમુખો સાથે તેની ઉજવણી કરવામાં આવી હતી.

કેન્દ્રિય મંત્રી પરષોત્તમભાઇ રૂપાલાજીએ જણાવ્યું હતું કે, ભારતના વડાપ્રધાન ગમે તેટલા પ્રયાસ કરશે તો તેઓ એક ડગલું આગળ વધી શકશે પણ જ્યારે આખા દેશની જનતા એમાં જોડાય અને પ્રયાસ કરે તો ભારત ૧૪૦ કરોડ ડગલા આગળ જશે. ભારત સરકાર, ‘સબકા સાથ, સબકા વિકાસ’ અને ત્યારબાદ ‘સબકા વિશ્વાસ’ સૂત્રની સાથે આગળ વધી હતી અને હવે ‘સબકા પ્રયાસ’ના સૂત્ર સાથે આગળ વધી રહી છે. એવી રીતે સુરતની ચેમ્બર ઓફ કોમર્સે પણ ‘સબકા પ્રયાસ’ સૂત્રને સાર્થક કરવા માટે પ્રયાસ શરૂ કર્યો છે. સરકારે શું કર્યુ તેના કરતા દેશ માટે આપણે શું કર્યુ તે સમય આવી ગયો છે અને સુરતની ચેમ્બર ઓફ કોમર્સ એ દિશામાં આગળ વધી છે.

બધાએ એકજ દિશામાં આગળ વધવું પડશે ત્યારે જ દેશ આગળ વધશે અને ભારતના વડાપ્રધાને એવો સમય લાવી દીધો છે. હવે આખી દુનિયાનું વાતાવરણ બદલાઇ ગયું છે. ભારતની તરફ જોવાનો વિશ્વનો દૃષ્ટિકોણ બદલાઇ ગયો છે. હવે ભારતના ઘઉ પર ૩૦ દેશો નિર્ભર રહે છે. દુધ ઉત્પાદનમાં ભારત વિશ્વમાં નંબર એક પર છે, આથી હવે એક્ષ્પોર્ટ પર ધ્યાન આપવાની જરૂર છે. તેમણે કહયું કે, મિશન ૮૪ અંતર્ગત ચેમ્બર ઓફ કોમર્સે તાર્કીક રીતે દેશમાંથી એક્ષ્પોર્ટને વધારવા માટે પ્રયાસ શરૂ કર્યો છે, જે ખૂબ જ પ્રશંસનીય છે. ભારત સરકાર, સુરતની ચેમ્બર ઓફ કોમર્સની સાથે છે અને આ પ્રયાસને નડતરરૂપ મુશ્કેલીને દુર કરવા સરકાર કટિબદ્ધ છે.

તેમણે જણાવ્યું હતું કે, ઇઝરાઇલમાં માર્કેટીંગ ફેડરેશન છે એ આખા વિશ્વમાં રિસર્ચ કરે છે કે કયા દેશમાં કઇ પ્રોડકટની જરૂરિયાત છે. આ રિસર્ચને આધારે ઇઝરાઇલમાં ખેડૂતોને ઉત્પાદનનો ટાર્ગેટ આપવામાં આવે છે. ખેડૂત ઉત્પાદન કરે તે પહેલાં જ ઉત્પાદિત વસ્તુનું વેચાણ થઇ જાય છે, આથી ચેમ્બર ઓફ કોમર્સ આવી ભૂમિકા ઇન્ડસ્ટ્રી માટે ભજવી શકે છે. એના માટે રિસર્ચ વીંગ શરૂ થવી જોઇએ. આખા દુનિયાનો અભ્યાસ કરવાથી સમજાઇ જશે કે કઈ પ્રોડકટની કેટલી જરૂરિયાત છે. આ રિસર્ચને આધારે પ્રોડકટનું ઉત્પાદન કરાશે તો એક્ષ્પોર્ટ વધશે અને નુકસાની પણ થશે નહીં.

આપણી સ્ટ્રેન્થને વધારવાની જરૂર છે. દુનિયાની જરૂરિયાતને ધ્યાને લઇને પ્રોડકટીવિટી વધારવી પડશે. આપણે જે આયાત કરીએ છીએ તેનું ઉત્પાદન કરવું પડશે. એના માટે ચેમ્બર ઓફ કોમર્સે સરકારની પોલિસી સાથે સુસંગત થવાની જરૂર છે. ઇન્ડસ્ટ્રીના પ્રશ્નોને વ્યવસ્થિત રીતે સરકારના ધ્યાન ઉપર લાવવા પડશે. વર્ષ ર૦૧૪માં દેશમાંથી રૂપિયા ૧૪૦૦૦ કરોડના ઝીંગાનું એક્ષ્પોર્ટ થતું હતું, જે હવે રૂપિયા ૪૦૦૦૦ કરોડનું થઇ ગયું છે. તેમણે કહયું કે, સુરતના ઝીંગા સૌથી ટેસ્ટી હોય છે. સુરતના એકવા કલ્ચરના પ્રશ્નો ચેમ્બર ઓફ કોમર્સના માધ્યમથી સરકાર સમક્ષ રજૂ કરાશે તો એનું ચોકકસપણે નિરાકરણ લાવવામાં આવશે.

ગિરિરાજસિંહના અધ્યક્ષસ્થાને સુરતમાં ‘ભારત...

આગામી 20 થી 22...

ધારાસભ્ય મોહનભાઈ ઢોડીયાની ઉપસ્થિતિમાં...

કેન્દ્રીય ટેક્ષ્ટાઈલ મંત્રી ગિરિરાજસિંહે...

મોટેરાથી ગાંધીનગર સુધી મેટ્રો...

સુરતમાં સેનિટરી પેડ્સથી સર્જાશે...

કેન્દ્રિય મંત્રી પરષોત્તમભાઇ રૂપાલાએ મિશન ૮૪ પ્રોજેકટના ઓનલાઇન ઇન્ટરનેશનલ પોર્ટલનું લોન્ચીંગ કર્યું

Leave a comment Cancel reply

Search

Hot Topics

ગિરિરાજસિંહના અધ્યક્ષસ્થાને સુરતમાં ‘ભારત ટેક્સ-2025’ અંતર્ગત.

આગામી 20 થી 22 ડિસેમ્બરના રોજ.

ધારાસભ્ય મોહનભાઈ ઢોડીયાની ઉપસ્થિતિમાં વસ્ત્ર પ્રસાદ.

કેન્દ્રીય ટેક્ષ્ટાઈલ મંત્રી ગિરિરાજસિંહે સુરત જિલ્લાના.

ગિરિરાજસિંહના અધ્યક્ષસ્થાને સુરતમાં ‘ભારત.

આગામી 20 થી 22.

ધારાસભ્ય મોહનભાઈ ઢોડીયાની ઉપસ્થિતિમાં.

કેન્દ્રિય મંત્રી પરષોત્તમભાઇ રૂપાલાએ મિશન ૮૪ પ્રોજેકટના ઓનલાઇન ઇન્ટરનેશનલ પોર્ટલનું લોન્ચીંગ કર્યું

Leave a comment Cancel reply

Search

Hot Topics

Hot Catagories

Tags